نشوى مصطفى (19 مارس 1968)، ممثلة مصرية. خريجة جامعة عين شمس من كلية التجارة كما إنها حاصلة على بكالوريوس من «المعهد العالي الفنون المسرحية»،
متزوجة رجل مصري يحمل الجنسية الأمريكية وانجبا ابن وابنة هما عبد الرحمن ومريم
وبعد توجيه أحد الأشخاص انتقادات عنيفة إلى نشوى، مستندًا في حديثه إلى أنها «لا تشعر بالغلابة، لأنها ليست منهم، وليس من حقها الفخر بهؤلاء الشباب»،
وردًا على كل هذا الهجوم فتحت «نشوى» مخزن أسرارها لتروي رحلة كفاحها التي لا يعلمها أحد من محبيها،
«أبويا الله يرحمه كان من الطبقة الكادحة، الطبقة تحت المتوسطة بشوية كتير، أبويا رباني إني أكون راجل، بمعنى أني لما اتخرجت ومالقتش شغل

عملت وجبات جاهزة في البيت وبعتها في العتبة للبياعين اللي بيشتغلوا فى محلات الملابس»، بتلك الكلمات بدأت «مصطفى» روايتها، عبر صفحتها على موقع التواصل الاجتماعي «فيس بوك».
لماذا اختارت محلات ميدان العتبة تحديدًا لبيع وجباتها الجاهزة، سؤال طرحته وأجابت عليه «نشوى مصطفى» قائلة: «لأني في أجازات الصيف بتاعة الجامعة كنت بشتغل بياعة في
المحلات دي علشان يكون معايا فلوس زيادة عن المصروف اللي باخده من أهلي».
أما السؤال الثاني الذي طرحته وأجابت عليه أيضًا فكان عن سبب إصرارها على بيع الوجبات الجاهزة،
وقالت: «لأني كنت عايزة أدرس تمثيل، دخلت المعهد وابتديت تمثيل بعشر مشاهد في ضمير أبله حكمت، وكان أجري في المسلسل كله ٢٥٠ جنيه، كنت ساكنة فى شبرا، وبيتنا كان أوضتين».
واستطردت: «دلوقتى بفضل ربنا وبمجهودي أنا ساكنة في فيلا دورين بحمام سباحة في أرقى مكان في التجمع الخامس، اتعلمت في مدارس حكومة
وكنت باخد الكتب ببلاش فى الجامعة لأني كنت مقدمة مفردات مرتب والدي إنها بسيطة، دلوقتي بفضل ربنا وبمجهودي ولادي جامعة أمريكية وألمانية، ماحدش ساعدني غير ربنا».
استكملت: «مافيش منتج دعمني واداني بطولة، وأنا أستاهلها بجدارة، لكن أثبت إني بمشهدين تلاتة ممكن أسيب تأثير وأحقق نجومية باشوفها في كلام معجبيني في كل مكان جوه مصر وبراها،
أنا بشتغل بمجهودي، اتحاربت وصمدت، اتساومت وماإستسلمتش، لأني مؤمنة بحلمي ومؤمنة بأن ربنا مع اللي بيتعب».
وأنهت كلامها ردًا على كل من انتقدها أو أهان البلد وانتقد قلة فرص العمل قائلة: «حارب علشان حلمك وماتشتمش بلدك ولا ظروفك ولاتشتم الممثلين».

نشوى مصطفى كانت بياعة في العتبة وربنا فتح عليها…وتعرف على والدها وزوجها وأولادها وصور نادرة لها
تعرف على التفاصيل بالفيديو المرفق على الرابط